දකුණු අප්‍රිකා ක්‍රිකට් තහනම් වීමේ අවධානම තවත් ඉහළට

Friday, 16 October 2020 - 10:52

දකුණු අප්‍රිකාවට ජාත්‍යන්තර ක්‍රිකට් තහනම් කිරීමේ දැඩි අවධානමක් මේ වන විට මතුව තිබෙනවා.

ඒ, එරට ක්‍රිකට් ආයතනයේ කටයුතුවලට මැදිහත් වීමට අදහස් කරන බවට දකුණු අප්‍රිකා රජය ප්‍රකාශ කිරීමත් සමගයි.

ක්‍රිකට් ආයතනයේ ඉහළ නිළධාරීන් සිදු කර ඇති විෂමාචාර ක්‍රියා හේතුවෙන් මෙලෙස එහි කටයුතුවලට මැදිහත් වන බවයි එරට ක්‍රීඩා අමාත්‍යවරයා සදහන් කර ඇත්තේ.

මෙම මැදිහත් වීම සම්බන්ධයෙන් තමා ජගත් ක්‍රිකට් කවුන්සලය (අයි.සී.සී) ද දැනුවත් කළ බව ඔහු කියා සිටියා.

කෙසේ වෙතත්, ජාත්‍යන්තර ක්‍රිකට් කවුන්සලයේ නීති රීති ප්‍රකාරව කිසිදු සාමාජික රටක ක්‍රිකට් ආයතනවලට රජයේ මැදිහත් වීමක් සිදු නොවිය යුතු අතර, එම ආයතන ස්වාධීනව ක්‍රියා කළ යුතුයි.

එසේ නොවන්නේ නම් අදාළ රටට එරෙහිව ජාත්‍යන්තර තරග තහනමක් පැනවීමේ බලය අයි.සී.සීය සතු වනවා.

දකුණු අප්‍රිකා ක්‍රිකට් ආයතනයේ කටයුතු සම්බන්ධයෙන් දීර්ඝ කාලීන ස්වාධීන විමර්ශනයක් සිදු කෙරුණු අතර, එහි ප්‍රතිපලයක් ලෙස ප්‍රධාන විධායක නිළධාරිවරයා ද පසුගිය අගෝස්තු මාසයේ දී ධූරයෙන් පහ කෙරුණා.

ඒ, සිදු කළ බව කියන විෂමාචාර ක්‍රියා හේතුවෙන්.

අනතුරුව දකුණු අප්‍රිකානු ක්‍රිකට් ආයතනයේ කටයුතු අත්හිටුවමින් එහි පාලනය සියතට ගැනීමට දකුණු අප්‍රිකානු ක්‍රීඩා සම්මේලනය හා ඔලිම්පික් කමිටුව (SASCOC) පසුගිය සැප්තැම්බර් 10 වැනිදා තීරණය කළ‍ේ ක්‍රිකට් ආයතනයේ නිළධාරීන්ට සියලු පරිපාලන කටයුතුවලින් ඉවත් වන ලෙසට ලිඛිතව දන්වමින්.

කෙසේ වෙතත්, දකුණු අප්‍රිකා ක්‍රිකට් බළධාරීන් ඊට එකගතාවය පල කළේ නැහැ.


57


මුම්බාය අවසන් වටයට තවත් ළං වෙයි.
Thursday, 29 October 2020 - 12:05

ඉන්දීය ප්‍රිමියර් ලීග් ක්‍රිකට් තරගාවලියේ 48...Read More

ඉන්දු – ඔස්ට්‍රේලියා තරග කාලසටහන තහවුරු කෙරේ.
Thursday, 29 October 2020 - 12:03

ඉන්දීය ක්‍රිකට් කණ්ඩායමේ එළඹෙන ඔස්ට්‍රේලිය...Read More

වාර්තාගත ජයක් සමගින් හයිදරාබාදයට තවත් බලාප...
Wednesday, 28 October 2020 - 14:45

ඉන්දීය ප්‍රිමියර් ලීග් ක්‍රිකට් තරගාවලියේ 47...Read More