ගැබ්ගෙළ පිළිකා පරීක්ෂණ කට්ටල 10,000 ක් පරිත්‍යාගයක්

Tuesday, 20 April 2021 - 12:21

කොළඹ රොටරි සමාජය, එහි විදේශීය රොටරි හවුල්කරුවන් සහ රොටරි පදනම එක්ව ශ්‍රී ලංකාවේ කාන්තාවන්ගේ පිළිකා අතර දෙවන ස්ථානයට පත්ව ඇති ගැබ්ගෙල පිළිකා පරීක්ෂා කිරීම සහ කල්තියා හඳුනා ගැනීම සඳහා යොදා ගන්නා Cobas 4800 HPV DNA testing machine  පරීක්ෂණ යන්ත්‍රයක් සහ පරීක්ෂණ කට්ටල 10,000 ක් සෞඛ්‍ය අමාත්‍ය පවිත්‍රා වන්නිආරච්චි මහත්මිය වෙත සෞඛ්‍ය අමාත්‍යාංශයේ දී  නිල වශයෙන් ලබාදීම අද සෞඛ්‍ය අමාත්‍යාංශයේ දී සිදුකෙරුණා.
ගැබ්ගෙල පිළිකා තුරන් කිරීම වෙනුවෙන් ඔවුන් විසින් ක්‍රියාත්මක කරන ව්‍යාපෘතියේ ඓතිහාසික සන්ධිස්ථානයක් සනිටුහන් කරමින් සහ රොටරි හි නිර්මාතෘ පෝල් හැරිස් මහතාගේ 153 වන උපන්දිනය සැමරීම වෙනුවෙන් මෙම පරිත්‍යාගය සිදුකර ඇත්තේ.
මෙම මුළු ව්‍යාපෘතියේ වටිනාකම දළ වශයෙන් රුපියල් මිලියන 100 ක් පමණ වනවා.
ගැබ්ගෙල පිළිකා නිසා සෑම වසරකම 800 ක් පමණ මිය යන අතරල වාර්ෂිකව නව රෝගීන් 1800 කට අධික සංඛ්‍යාවක් වාර්තා වනවා.
ගැබ්ගෙල පිළිකා වැළැක්විය හැකි අතර කල්තියා හඳුනාගෙන ඵලදායි ලෙස කළමනාකරණය කළහොත් සුව කළ හැකි බවයි හදුනා ගෙන ඇත්තේ.
2030 වන විට මෙරට සෞඛ්‍ය ක්ෂේත්‍රයේ ප්‍රධාන ගැටළුවක් වන ගැබ්ගෙල පිළිකාව මුළුමනින්ම තුරන් කිරීමේ අරමුණින් මෙම ව්‍යාපෘතිය සඳහා රොටරි සමාජය රජය සමඟ අත්වැල් බැඳගෙන තිබෙනවා.
මෙම ව්‍යාපෘතියට අරමුදල් සපයන්නේ ඇමරිකා එක්සත් ජනපදයේ රොටරි පදනමේ ගෝලීය සංසදය, ප්‍රධාන පරිත්‍යාගශීලීන් වන රොටරි ක්ලබ් ඔෆ් බර්මින්හැම් ඇලබාමා සහ තවත් එක්සත් ජනපද රොටරි සමාජ කිහිපයක් විසිනුයි.
Cobas 4800 HPV DNA testing machine  පරීක්ෂණ යන්ත්‍රය අනුරාධපුර ශික්ෂණ රෝහලේ මේ වන විට ස්ථාපිත කර ඇති අතර, ගැබ්ගෙල පිළිකා සඳහා සාම්පල පරීක්‍ෂා කිරීම ආරම්භ කර තිබෙනවා.
මෙම ව්‍යාපෘතිය හරහා උතුර, නැගෙනහිර සහ වයඹ පළාත් ආවරණය වන පරිදි ඉදිරි අදියර කරා ළඟාවීමට සැලසුම් කර තිබෙන බවයි සෞඛ්‍ය අමාත්‍යංශය නිකුත් කළ නිවේදනයේ දැක්වෙන්නේ.
මෙම අවස්ථාවට සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන මහතා, අතිරේක ලේකම් වෛද්‍ය සේවා සුනිල් ද අල්විස් මහතා, පවුල් සෞඛ්‍ය කාර්යාංශයේ අධ්‍යක්ෂ, සෞඛ්‍ය ප්‍රවර්ධන කාර්යාංශයේ අධ්‍යක්ෂ, ජාතික පිළිකා පාලන වැඩසටහනේ අධ්‍යක්ෂ සහ අනුරාධපුර ශික්ෂණ රෝහලේ අධ්‍යක්ෂවරයා සහභාගි වූ අතර, කොළඹ රොටරි සමාජයේ සභාපති නිති මුරුගේසු, රොටරි දිස්ත්‍රික් ආණ්ඩුකාර අජිත් වීරසිංහ, හිටපු රොටරි ජාත්‍යන්තර සභාපති සහ වත්මන් රොටරි පදනමේ භාරකරු, සභාපති කේ ආර් රවින්ද්‍රන් යන මහත්වරුන් රෝටරි සමාජයේ ව්‍යාපෘති සම්බන්ධීකාරක පුබුදු ද සොයිසා මහත්මිය සහ රොටරි දිස්ත්‍රික් හා රොටරි සමාජයේ සාමාජික සාමාජිකාවන් එක්ව සිටියා.

14


තවත් දිස්ත්‍රික්ක දෙකක ප්‍රදේශ දෙකක් හුදකල...
Thursday, 06 May 2021 - 09:42

දිස්ත්‍රික්ක දෙකකට අයත් ප්‍රදේශ දෙකක් මේ මො...Read More

අදත් ප්‍රදේශ කිහිපයකට සවස් කාලයේදී හෝ රාත්‍...
Thursday, 06 May 2021 - 09:40

දිවයිනේ බොහෝ ප්‍රදේශවල අද (06) දිනයේ සවස් කාලය...Read More

දඹුල්ල ආර්ථිකයේ වෙළෙඳසැල් 5 ක් යළි වසා දැමෙයි.
Wednesday, 05 May 2021 - 11:48

දඹුල්ල විශේෂිත ආර්ථික මධ්‍යස්ථානය දැඩි සෞඛ...Read More